သူငယ်ချင်း ငယ်ကောင်း၊ ယောက်မတို့လေ။
တိမ်ခိုးငယ်မှဝေဝေ၊
နှောပင်ကြီး၊ နှောသီးကြွေ၊
လေပွေတိုက်လို့ ဝဲတတ်တယ်။ ။
ဥသျှစ်သီး၊ မြေကြီးမှာမြှုပ်၊
ပြာဖုံးအုပ်လို့ မီးဖုတ်လိုက်ရင်၊
သီးဖော်ရယ်မှသီးဖက်၊
အပင်ထက်မှာ တက်တက်စင်၊
မီးကင်သည့်နှယ်ကွဲတတ်တယ်။
စနေဂြိုလ်စား၊ ကြိမ်ခိုက်များမှာ၊
ချရားသစ်ပင်၊ အိမ်လှေကားတွင်၊
စိုက်ထားလျှင်မူ၊
အင်ခွင်ဥစ္စာ နည်းတတ်တယ်။
တံစက်ရေနှင့်၊ တွင်းရေမတူ၊
ရေခမိုး၊ ရေးချိုးသူ၊
ညှင်းဖြူးပြိုးပြောက် စွဲတတ်တယ်။
ပဝါပြောက်၊
အထောက်ကယ်မှမတန်၊
မျက်နှာသစ်လို့၊ အညစ်ခံ၊
ဝက်ခြံမှည့်လို့ မည်းတတ်တယ်။
သနပ်ခါး၊ ကျောက်ပြားပေါ်တွင်
၊ သောက်ရေဧနှင့် ရောသွေးလာလျှင်၊
နံ့သာအပေါ်ကျဲတတ်တယ်။
မိုးချုပ်ကယ်မှနေဝင်၊
စားဖိုထဲ အမဲကင်၊
စုန်းမှင်နတ်တို့ ရဲတတ်တယ်။
ပန်းနီနီ မပန်လေနှင့်၊
အမယ်မှာ နတ်ပန်းပွင့်တဲ့။
အတင့်ငယ်မှရဲချင်၊
ပျော်လိုအားနှင့် ခေါင်းဖျားတင်၊
အလျင်လူနှင့် လွဲတတ်တယ်။
မိဘဘိုးဘွား၊
ဆိုစကားကို၊ နားမျှမဝင်၊
ထီမထင်ဘဲ၊
ကြို့ပင်ကြီးမြောက်၊ ပိတောက်ပင်တောင်၊
ညောင်ပင်ကြီးရင်း၊
ကောက်စိုက်ကယ်ပြန်၊
ထိန်ကန်တွင်းမှာ၊
လာရင်းမျက်မြင်၊
နေမလှန်းတဲ့ ပန်းလွင်လွင်ကို၊
ရွှင်လိုမြူးလို၊ ကစားလို၍၊
ဝါဆိုဦးက ပန်ဖူးတယ်။
အမယ်မင်းဖြစ်ရလေခြင်း။
ရင်းမာရယ်ပေါ်၊
တော်သလင်းနှင့်၊ မိုးတွင်ဝါဝင်၊
ထိုဆောင်းဦးသို့၊ မကူးခင်က၊
အလျင်လူနှင့် ကွဲရတယ်ရှင်။
အပျိုစင်ငယ်က ကျွမ်းပါတဲ့၊ လွမ်းတုံ့တင်လေး။
No comments:
Post a Comment